ایک نیوز:ایشیائی ترقیاتی بینک نے سالانہ رپورٹ جاری کردی، ایشیائی ترقیاتی بینک نے پاکستان میں سماجی تحفظ پروگرام کے لیے 33 کروڑ ڈالر اضافی امداد کا اعلان کیا ہے۔
 اے ڈی بی کا کہنا ہے کہ اس پروگرام سے9.3ملین افراد مستفید ہوں گے، پروگرام میں غریب خواتین اور ان کے خاندان شامل ہیں، نئی مالی معاونت سے گھریلو غربت کی امداد کی بہتر نشاندہی کی جائے گی۔
بچوں اور نوجوانوں کی تعلیم کے لیے مشروط نقد منتقلی فراہم کی جائے گی، آفت زدہ علاقوں میں خواتین، نوجوان لڑکیوں اور بچوں کے لیے صحت کی خدمات اور بہتر غذائیت تک رسائی میں اضافہ کیا جائے گا۔
وسطی اور مغربی ایشیا کو اب بھی ترقیاتی تفاوت اور سماجی بہبود کے چیلنجز کا سامنا ہے، افغانستان، کرغزستان اور پاکستان کو غربت کی اعلیٰ سطح اور ضروری خدمات تک محدود رسائی جیسے مسائل درپیش ہیں۔